Sapphire

Saanjh dhalte dhalte ,
meri padchap le gayi
meri jholi mein gulmohar aur babool ke phool de gayi
tumhari yaad aayi to, bheegi palko ki jagah,
neele aasman ki gahrai de gayi
tumko pakadne chali thi, o surya,
paya to keval anjuri bhar , rang biranga kshitiz
tumhare taap mein sone chali to
sandhya apni oat mein le baithi tumhe
aaj tumhare alsaye aavaran ko niharne chali to
raat ki kalima apne aalingan mein le gayi mujhe
khulti jaati hai, parte is andhere ki
ki shayad koi subah lout aaye
har roj bahana bana use mana late hein ki
shjayad vo hi khwab ban kar meri neendo mein lout aaye.
Aakar jab dhundhale ho jate hai,
to rango ko bulate hain
shayad vo hi meri tulika ban meri tasveer bana jaye
ye saanjh jate hue ,
in boodhi aankho ko fir sunahara aakash dikha jati hai
apni mutthi mein andhere ko samette hue, jugnoo ki chamak dikhati hai
chehre ki jhurriyon mein likh, naya itihaas banati hai
aane wale ki khoj mein main hoon ya nahin
boodhi aankhein dhalte sooraj se pooch jati hain
kitni paribhashaon se ye vartmaan bana hai,
iska vishleshan sharad ritu ki poornima par chod jaati hain.

(a poem by Rajni Bhargawa)

main royaa parades mein bhiigaa maan ka pyaar
dukh ne dukh se baat kii bin chithii bin taar
chotaa kar ke dekhiye jiivan kaa vistaar
aankhon bhar aakaash hai baahon bhar sansaar


leke tan ke naap ko ghuume bastii gaanv
har chaadar ke gher se baahar nikale paanv
sabakii puujaa ek si alag-alag har reet
masjid jaaye maulvii koyal gaaye geet
puja ghar mein murti mira ke sang shyaam
jisakii jitanii chakari utane usake daam


saton din bhagavaan ke kya mangal kya pir
jis din soe der tak bhuka rahe fakiir
achchhi sangat baithakar sangii badale ruup
jaise milakar aam se mitii ho gayi dhoop


sapanaa jharnaa neend kaa jaagii aankhein pyaas
paanaa khonaa khojanaa saanson kaa itihaas
chaahe giitaa vaachiye yaa padhiye quraan
mera teraa pyaar hi har pustak kaa gyaan
(Nida Fazli)

apanii marzi se kahan apane safar ke ham hain
ruKh havaaon kaa jidhar kaa hai udhar ke ham hain


pahale har chiiz thii apanii magar ab lagataa hai
apane hii ghar mein kisii duusare ghar ke ham hain


vaqt ke saath hai mitti kaa safar sadiyon tak
kisako maaluum kahaan ke hain kidhar ke ham hain


chalate rahate hain ki chalanaa hai musaafir kaa nasiib
sochate rahate hain ki kis raahaguzar ke ham hain

Pain has an element of blank;
It cannot recollect
When it began, or if there were
A day when it was not.

It has no future but itself,
Its infinite realms contain
Its past, enlightened to perceive
New periods of pain. (by Emily Dickinson )

tamannaaon ke bahalaave mein aksar aa hii jaate hain
kabhii ham chot khaate hain kabhii ham muskuraate hain



ham aksar doston ki be-vafaai sah to lete hain
magar ham jaanate hain dil hamaare Tuut jaate hain

kisii ke saath jab bite hue lamhon ki yaad aati
thakii aankhon mein ashkon ke sitaare jhil-milate hain

safar mein dhuup to hogii jo chal sako to chalo
sabhii hain bhiiD mein tum bhii nikal sako to chalo


kisii ke vaaste raahein kahaann badalatii hain
tum apane aap ko Khud hii badal sako to chalo


yahaan kisii ko koii raastaa nahin detaa
mujhe giraa ke agar tum sambhal sako to chalo


yahii hai zindagii kuchh Khvaab chand ummiiden
inhiin khilaunon se tum bhii bahal sako to chalo

hum ne koshish to ki bahut bahalne ki, virtual reality se, kuch beeti yaadon se par kab tak. jab tum paas the to kabhi laga hi nahin ki ye pal beet bhi jayenge, haathon se bikharti ret ki tarah, fir se haath yoon hi reete rah jayenge , ye jo khushboo hai tere ahsaas ki, vo hawa mein kho jayegi. par kise pata tha ki tum yoon chale jaoge

Munh kii baat sune har koi, dil kaa dard jaane kaun
aavaazon ke baazaaron mein Khaamoshii pahachaane kaun


sadiyon sadiyon vahii tamaashaa rastaa rastaa lambii khai
lekin jab ham mil jaate hain, kho jaataa hai jaane kaun


vo meraa aaiinaa hai main us kii parachhaaii huun
mere hii ghar mein rahataa hai, mujh jaisaa hii jaane kaun


kirat kirat halkaa saa suuraj, palal palak khulatii neendein
yuun hii dil pighal rahaa hai, zarraa-zarraa jaane kaun
---------------A Ghazal by Nida Fazli

Muunh ki baat sune har koi, dil ke dard ko jaane koun.
aawazon ke baazaron mein khamoshi pahchane koun.
ssadiyon saaadiyon vahi tamasha, rasta rasta lambi khai.
lekin jab hum mil jaate hai, kho jaata hai, jane koun.
vo mera aaina hai main us ki parchaai hoon,
mere hi ghar mein rahta hai, mujh jaisa hi jane koun.